MAGNIFICENT DESOLATION મતલબ ભવ્ય વિરાનગી !! (Walking on the moon)
"ચંદ્ર ઉપર ઉતરતી વખતે રાખવાની થતી દરેક કાળજી મેં કરી છે. મારો સ્પેસશૂટ પણ મેં પહેરી લીધો છે, હવાનું દબાણ બરાબર છે, બધ્ધી જ ગણતરીઓ યોગ્ય છે, અને હવે હું મારા એપોલો યાનનો દરવાજો ખોલી રહ્યો છું..... હૃદય એક થડકારો ચુક્યું, અને..... આપણા ચાંદામામાની ભવ્ય વિરાનગી મારી નજર સામે જ હતી!! .....મેં ચાંદામામાને હરાવી દીધા અને તેમની ઉપર વિજયી સ્મિત કરીને મારો પગ મુક્યો!!....."
*****
જો હું ચંદ્ર ઉપર ભૂલો પડી જાઉં તો...???
...ત્યાંથી પૃથ્વીને જોઇને હું..... મારું કુટુંબ, મારો પરિવાર, મારો સમાજ કે મારા દેશ કરતા બુમો પાડું.....
"મારી પૃથ્વીઈઈ......!! મારી પૃથ્વીઈઈ.......!!"
ધરતીને વેડ્ફનારા પ્રત્યેક લોકો જો એ વિરાનગીમાં ભૂલા પડી જાયને તો.. આપોઆપ એમને પૃથ્વીની કિંમત સમજાઈ જાય!!..
અવકાશમાં જઈને મૃત્યુને ભેટેલા અવકાશયાત્રીઓના જ્યારે નામ અને ફોટા બતાવ્યા ત્યારે મારી નજર તેમાં કલ્પના ચાવલાને શોધતી હતી!!
*****
3D એક એવું મૃગજળ છે, કે જે આપણાથી એક જ ઇંચ દુર હોવા છતાં તેને પકડી શકાતું નથી, છતાંય આપણી તરસ છીપાઈ જાય છે!! તેની સામે D2h કનેક્શનવાળું ક્લીયર ચિત્ર પણ કયાંય ઝાંખું લાગે!!
..એના મનમાં તો એમ જ છે કે બહાર પિક્ચર જોવા જવું એટલે ચશ્મા પહેરીનેજ જવુ પડે!! 'THE JUNGLE BOOK' થી શરૂ થયેલી એની 3D મુવી જોવાની સફર 'PENGUINS',
'MADAGASCAR: LEMURS'
'BORN TO BE WILD' અને હવે..
'MAGNIFICENT DESOLATION (Walking on the moon)' સુધી પહોંચી છે અને ચોક્કસ હજુયે આગળ ચાલુ રહેવાની છે!!
*****
તા. ૫.૭.૧૭
ટિપ્પણીઓ નથી:
ટિપ્પણી પોસ્ટ કરો