*ટપાલ ખાતુ:-
સાચે જ ટપાલો ખાઈ જાય છે!!*
દાદાનો જન્મદિવસ હતો, એટલે તન્વીએ સરસ મજાનું બર્થડે કાર્ડ બનાવ્યુ. પોસ્ટ ઓફિસે નાંખ્યુ પણ ખરું!! ..પણ પોસ્ટ ખાતુ જો પોસ્ટ નિયત સરનામે પહોંચાડી દે તો ક્યાંક સૂરજ પશ્ચિમે ન ઉગી જાય?? ..એટલે માનવજાતને બચાવવા આ વખતે ફરી પોસ્ટખાતાએ પત્ર નિયત સરનામે ન પહોંચાડ્યો!!
કેટલાંય કાગળો(સરકારી/ખાનગી બધાં..), કે જે બાય પોસ્ટ ઘરે આવવાના હોય છે, એ આવતાં જ નથી! પોસ્ટમેનને ફોન કર્યો, 'પોસ્ટ આવે તો ફોન તો કરો, હું આવીને લઈ જઈશ..' તો જવાબ મળે છે, 'તમારી પોસ્ટ આવશે તો તમને મળી જશે, મને ફોન નહિ કરવાનો!'
..અરે ભાઈ, કોઇ આને સમજાવો કે બે-બે મહિના થઈ ગયાં હોવાં છતાં જો કાગળ ઘરે ના પહોંચે તો માણસ તમને ફોન પણ ના કરે??
કારણો ચાહે જે હોય એ.. જો પોસ્ટ નિયત સરનામે પહોંચવાની જ ના હોય, તો સરકારે શાળાકીય પુસ્તકોમાંથી પોસ્ટખાતાનું ચેપ્ટર જ કાઢી નાંખવું જોઈએ. ખાલીખોટી આશા બાંધવી કે 'આજે પોસ્ટ આવશે!!'
ટિપ્પણીઓ નથી:
ટિપ્પણી પોસ્ટ કરો