https://m.facebook.com/story.php?story_fbid=2698407773600768&id=100002947160151
તા.૧૫.૨.૨૦ ની વાત:-
અલ્લારખાં ભણવામાં એવરેજ-હોંશિયાર છે. મોટેભાગે તો અઠવાડિયામાં ચારેક દિવસ તો હાજર હોય જ! અચાનક બે અઠવાડિયા સુધી શાળાએ ન આવતાં મેં બાળકોને પૂછ્યું, "અલ્લારખાં ક્યુ નહિ આતા? કિસીને ઉસકા ઘર દેખા હૈ?"
"હાં.. સર.. મૈને દેખા હૈ." હસનૈન બોલ્યો.
"વો સ્કૂલ ક્યુ નહિ આતા?" મેં પૂછ્યું.
"ઉસકે પપ્પા મર ગયે હૈ."
"શું?" મને ફાળ પડી. હું મળ્યો છું એના પપ્પાને! કાઠી મજૂરી કરતાં એકવડીયા બાંધાનાં એનાં પપ્પા એમ કેમ મરી ગયા? હું રૂબરૂ તપાસ કરીશ, એમ વિચાર્યું! હજુ વધુ ચાર દિવસ પછી (૨૦.૨. ના રોજ) અલ્લારખાંને એની બહેન શાળાએ મુકવા આવી. હું મધ્યાહ્નન ભોજનની વ્યવસ્થામાં બાળકો સાથે શેડ નીચે હતો. અલ્લારખાંને આવેલો જોઈ હું શેડમાંથી ઉતર્યો અને બહેનને પૂછ્યું, "ક્યાં હુઆ??"
"મેરે પપ્પા ગુજર ગયે. ગલે ફાંસા ખા લિયા." આટલું બોલતાં તો એની આંખમાં પાણી આવી ગયા, "ઇસલિયે હમ નહિ આતે થે."
"કોઈ વાંધા નહિ. ખાના બાકી હૈ? બાકી હો તો બૈઠ જાઓ." મેં સ્થિતિને અનુરૂપ બહેન રડી ના પડે એ માટે વાત ઝડપથી કાપી.
"નૈ ખાના." કહી એ બંને ઝડપથી વર્ગ તરફ જતા રહ્યા.
*****
અલ્લારખાં ધો.૧માં જ છે, મારા જ વર્ગમાં! એની બહેન પણ અમારી શાળામાં જ ઉપલા ધોરણમાં છે. ઘરેલું ઝઘડામાં પત્ની બાળકો સાથે ઘર છોડીને જતી રહી, એ જીરવી ના શકતા લગભગ મારી જ ઉંમરની આસપાસનાં એનાં પપ્પાએ ઘરમાં જ આત્મહત્યા કરી લીધી. હું એમ પણ નથી કહી શકતો કે હું નાનકડાં બાળકનું દુ:ખ સમજી શકું છું! ..અને નથી સમજી શકતો એવું પણ નથી!
આજે અલ્લારખાં શાળાએ તો આવ્યો, પણ ન તો પુસ્તક લાવ્યો, ન તો નોટ! બસ.. બીજાં બાળકો સાથે ભરપૂર મસ્તી કરી! વર્ષ ૨૦૧૩ અહીં બદલી થઈ ત્યારથી આવાં નાના-મોટાં હદયદ્રાવક ઘણા કિસ્સા જોયા-સાંભળ્યા-અનુભવ્યા છે. મોટો ડર હંમેશા એક જ વાતનો રહયો છે- મોટાભાગના બાળકો આવી સિચ્યુએશન પછી શાળાએ અનિયમિત થઈ આવતાં જ બંધ જાય છે અને ખરાબ લોકોની સંગતે ચડી વ્યસની/ગુંડા બની જાય છે! આવાં બાળકો સાથે જિંદગી એટલી કઠોર હોય છે કે એમને અક્ષરજ્ઞાન શીખવું (મૂલ્યશિક્ષણની તો આપણી શિક્ષણ વ્યવસ્થા ના પાડે છે! વળી, મૂલ્યશિક્ષણ માટે બાળક પણ રોજ શાળાએ આવે એ જરૂરી છે!) કે મારી બાજુમાં બેસાડું, એ જ નથી સમજાતું! ઈશ્વરને પ્રાર્થના કે આ અલ્લારખાં સાથે આવું ન થાય!
નીચેનો વીડિયો પ્રતીકાત્મક છે.. વીડિયોમાં મને તો દીકરી જ દેખાય છે.👇👇
https://m.facebook.com/story.php?story_fbid=2692048110903401&id=100002947160151
https://m.facebook.com/story.php?story_fbid=2692048110903401&id=100002947160151
ટિપ્પણીઓ નથી:
ટિપ્પણી પોસ્ટ કરો